Ukrayna Baş Qərargahı Rusyanın itgilərini açıqladı

Rusiya qüvvələri son sutkada Ukrayna ərazisində daha 800 hərbçisini itirib. 

“Qərb Xəbər”“Unian”a istinadən xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Bildirilib ki, bununla da Rusiya tərəfinin müharibə başlayandan bəri ümumi itkilərinin sayı 296 310 nəfərə çatıb.

Həmçinin son sutka ərzində Rusiyaya məxsus 7 tank, 28 zirehli döyüş maşını, 44 artilleriya sistemi Ukrayna ordusu tərəfindən sıradan çıxarılıb.

Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma “Donetsk XR” və “Luqansk XR” separatçı qurumlarını birtərəfli qaydada ilhaq etdiyini açıqlayıb.

R.Carçılı