2021-ci ildə Azərbaycanın qarşılıqlı turizm xidmətlərinin dövriyyəsi 2020-ci illə müqayisədə 22,1 % azalaraq 900 milyon ABŞ dolları təşkil edib.
Qərb Xəbər bu barədə Azərbaycan Mərkəzi Bankının saytına istinadən xəbər verir.
Hesabat dövründə turizm xidmətləri üzrə idxalın dəyərinin (600 milyon dollar) ixracın dəyərini (300 milyon) üstələməsi nəticəsində 300 milyon dollarlıq kəsir yaranıb. Bu dövrdə xaricə səfər edən Azərbaycan vətəndaşlarının sayı 16,3%, Azərbaycana gələn xarici vətəndaşların sayı isə 0,5 % azalıb.
Ötən il xarici ölkələr Azərbaycan rezidentlərinə 561,6 milyon dollarlıq turizm xidmətləri göstərib. Bunun 87 %-i Azərbaycan vətəndaşlarının şəxsi səfərləri ilə bağlı olub (məkik idxal üçün vəsaitlər istisna olmaqla).
2021-ci ildə qeyri-neft sektoru üzrə qeyri-rezidentlərə göstərilən tikinti xidmətlərinin dəyəri 35,4 % azalaraq 18,7 milyon dollar təşkil edib. Qeyri-neft sektoru üzrə qeyri-rezidentlərə ödənilən digər işgüzar xidmətlərin dəyəri isə 29 % artaraq 961 milyon dollar olub.
