Bu gün futbol üzrə Azərbaycan Kubokunda 1/4 final mərhələsinin daha iki oyunu keçiriləcək.
“Qərb Xəbər”in məlumatına görə, bununla da ilk qarşılaşmalara yekun vurulacaq.
Günün ilk matçında “Kəpəz” “Turan Tovuz”u qəbul edəcək. Gəncə şəhər stadionunda oynanılacaq görüş saat 14:00-da başlayacaq. Oyunu Rauf Allahverdiyev idarə edəcək.
İki komanda indiyədək ölkə kubokunda üz-üzə gəlməyib.
Günün son matçında isə “Sabah” “ASCRO Arena”da “Səbail”lə qarşılaşacaq. Qarşılaşmanın baş hakimi Nicat İsmayıllı olacaq. Komandalar bunadək Azərbaycan Kubokunda bir-birinə rəqib olmayıb.
Azərbaycan Kuboku
1/4 final, ilk oyunlar
9 dekabr (cümə)
14:00. “Kəpəz” – “Turan Tovuz”
Hakimlər: Rauf Allahverdiyev, Cavanşir Yusufov, Müslüm Əliyev, Vüqar Həsənli
Hakim-inspektor: İmanxan Sultani
Gəncə şəhər stadionu.
17:00. “Səbail” – “Sabah”
Hakimlər: Nicat İsmayıllı, Kamran Bayramov, Vüsal Məmmədov, Fərid Hacıyev
Hakim-inspektor: Ramil Diniyev
“ASCO Arena”.
Qeyd edək ki, 1/4 finalın əvvəlki oyunlarında “Zirə” evdə “Neftçi”yə 1:0 hesabı ilə qalib gəlib, “Qarabağ” isə “Qəbələ” ilə heç-heçə edib – 2:2. Bu raundun cavab matçları 19-20 dekabrda baş tutacaq.
