Türkiyənin paytaxtı Ankarada Azərbaycanın görkəmli teatr rejissoru və pedaqoqu, Xalq artisti Tofiq Kazımovun 100 illik yubileyinə həsr olunan tədbir keçirilir.
“Qərb Xəbər”“Report” a istinadən xəbər verir ki, yubiley mərasiminin təşkilatçıları Beynəlxalq Türk Mədəniyyət Təşkilatı (TÜRKSOY) və Azərbaycanın müvafiq qurumlarıdır.
Tədbirdə Azərbaycanın Türkiyədəki səfiri Rəşad Məmmədov, diplomatlar, teatrşünaslar, T.Kazımovun sənət yoldaşları iştirak edirlər.
TÜRKSOY-un baş katibi Sultan Rayev çıxışında bildirib ki, T.Kazımov dünyada tanınan sənətçi olub: “Bu il, həmçinin Azərbaycan milli teatrının qurulmasının 150 ili tamam olur. Bu münasibətlə bir sıra layihələr həyata keçirməyi nəzərdə tutmuşuq. Tofiq Kazımovun Azərbaycan teatr sənətinin inkişafında mühüm rolu olub”.
