Amerika Birləşmiş Ştatlarının Gürcüstandakı səfirliyi “xarici təsir agenti” adlı qanun layihəsinin parlamentdə müzakirəyə çıxarılması ilə bağlı bəyanat yayıb.
“Qərb Xəbər” xəbər verir ki, bəyanatda “bu gün Gürcüstanın demokratiyası üçün qara gün” olduğu qeyd olunub.
Bəyanatda bildirilib ki, Rusiya qanunlarının Gürcüstanda tətbiqi yolverilməzdir:
“Kremldən ilhamlanan qanunlara parlament tərəfindən baxılmasının davam etdirilməsi Gürcüstanın Avropaya inteqrasiyası və ölkənin demokratik inkişafı ilə bağlı açıq-aşkar bir araya sığmır.
Bu qanunların qəbul edilməsi Gürcüstanın strateji tərəfdaşları ilə münasibətlərinə xələl gətirəcək və bir çox gürcü təşkilatlarının öz həmvətənlərinə kömək etmək üçün gördüyü mühüm işə xələl gətirəcək. Bu proses və qanun layihələri hakim partiyanın Avro-Atlantik inteqrasiyaya sadiqliyi ilə bağlı real suallar yaradır”, – deyə bəyanatda vurğulanıb.
